याद

हमरा दुवारवा पे रहे एगो गछिया

ओहिमे भुलाइल रहे हमरो त दुनिया

ओहिसे त फल मिले अउर मिले छाया

अठमी में झूली सन ओहिपे झुलवा

आज जब देखतानी गछिया न लौके

खाली जमीनिया के देखि जिया तरपे

जैसे कौनो आपन पुरनिया से बिछर के

गछिया कटाइल की कटाइल हमार देहिया

एक-एक करीके झरे लागल पतवा

पतवा ह की, ह इ सम्बन्धवा

एहे लागटाते अब दुनिया के रितवा

रोज केहू आपन बिछरत इंहा बाटे

सांस लियाता पर जिए के ललक छुटताटे

बनत बनी मशीन, सुन ए सनेहिया

बुत बने के पहिलेके एहे ह कहनिया...

बुत बने के पहिलेके एहे ह कहनिया...